صحيفة نبض الشعب الاسبوعيه رئيس التحرير جعفر الخابوري

سالفه ورباط
كاتبها يگول يحچيلي شايب من شيابنه الله يرحمه ويرحم موتاكم، يگول يجديدي يا علي: أكو نسوان أثنين ضراير، وحده أسمهه (حلوة) والثانية أسمهه (مرة)

من حيث گامت (حلوه) و خنگت إوليدهه الرضيع من هو نايم، والنايم يمه اخوه (حسن) الأكبر منه بالعمر، بس حسن ما چان نايم وشاف الجريمة وسكت، وامه ضنته نايم.

و چان (حلوة) تركض واتروح بسرعة شاكية لرجلهه بأن ضرتها (مره) خنگت أبنهه الزغير وموتته!!!.

اجتمعت عشاير (حلوة) و (مرة) بديوان الفريضه و حچو السالفة والجريمة بالتفصيل وانه ماكو شاهد او دليل عالقضية .

فالفريضه دز عالضرتين حتى يسألهن كل وحده على كتر.

گال لأم الطفل المجني عليه ( حلوة) أريد منچ ترفعين ثوبچ فوگ الحجل وتدخلين الديوان، وتمرين بين الزلم من الطول للطول ، تكدرين؟.

گالتله: سهله يمحفوظ ..أفوت بالديوان؟! .

أنوب گال للثانية (مره) نفس الطلب، بس گالتله: لا ما أفوت وما أسويهه، وأحسبني اني الچتاله، وعندي عشيرة تفصل وما افوت للديوان گدام الزلم واني رافعه ثوبي.

گال الفريضه: يا عرب ترة (حلوة) هي الكتلت ابنهه.

فصاح أبنهه حسن: (وآني أشهد ).كاله منعول الوالدين جا ليش ساكت كله محفوض اخاف

هسه رباط سالفتنة، ترة العراق أختنك والشعب مات وما نحتاج للفريضة حتى نعرف چتالنا وأحنا الشعب العراقي (حسن) الشاهد ع القضية وساكت!
______________ سوالف آهلنه__________
آلعشائر ورموزها