قصة : { #أبليتني_بالعشق }
الحلقة الثالثة { ٣ }
ثابت وهو بيبوس ايدها : متقلقيش ي حبيبتي انا هستقر ف مصر خلاص
الجدة ب ارتياح : الحمدلله
فايزة : نتغدى كدة وتاخدوا نفسكم وبعدين هدخل انا وسميرة ورنيم نروقلكم الشقة عشان تقعدوا فيها ع نضافة
هدى : تاعبينكم والله ي فايزة
فايزة : ع ايه بس انا لو اعرف انكم راجعين كنا عملناها من زمان بس معرفتش غير امبارح بالليل ف ملحقناش
�
هدى : دة مكناش هنقول خالص كان نفسنا نعملهالكم مفاجأة
سميرة : احلى مفاجأة ف الدنيا نورتي بيتك ي هدى
هدى : بنورك ي حببتي
( يقوموا الستات يدخلوا المطبخ يحضروا الأكل ، بعد شوية )
فايزة : زيزوووو
( يقوم عزيز يقرب عليهم )
عزيز : نعم ؟
فايزة : شوفلي والنبي مرات عم علاء البواب موجودة ولا لأ عشان لو موجودة تطلع تمسح الشقة عبال م ناكل
عزيز : حاضر
( يلف يخبط ف اسراء )
اسراء ب ضيق : حاسب !!
( تدخل المطبخ ، يتنهد عزيز ب زهق ويمشي ، بعد دقايق ، الكل قاعدين ع السفرة بياكلوا ، يدخل عزيز )
فايزة : ايه موجودة ؟
عزيز وهو بيقرب عليهم : لأ وراها شغل برة
فايزة : طب يلا تعالى كُل واحنا هنتصرف
عزيز : اوك
( يقعد عزيز ياكل معاهم ، كل شوية يرمي نظرات ل اسراء وهي ولا ع بالها )
ثابت : درست ايه ي زيزو ؟
عزيز ب انتباه : ااا اداب
ثابت : شكلك انت وهاشم مختلفين تماماً ف التفكير !
عزيز : اة خالص
مرزوق : عندك هاشم اعقل بكتير عن عزيز وتقدر تحمله مسؤلية
عزيز ب احراج : ايش تقصد بالكلام دة ي حج
الكل : هههههه
مرزوق : اقصد انك تافه
�
عزيز : لاحظ ان كلامك جارح
مرزوق : لا وانت بتحس اوي يخويا
�
عزيز : ولو !
الكل : هههههه
ثابت ب ضحك : انت مصيبة ي زيزو
فايزة : بس فاتح محل فخار بقا مقولكش عليه ايده تتلف ف حرير
ثابت : لا بجد
عزيز : اة هو مالوش علاقة ب دراستي بس انا بحبه بصراحة
ثابت : والله جدع مش بالضرورة الحاجة الي تفهم فيها تبقا ف مجال دراستك
�
عزيز : ايوة
فايزة ل اسراء : وانتي درستي ايه بقا ي سوسو ؟
اسراء : علوم وتكنولوچيا
( يبصلها عزيز )
فايزة : امممم شكلك ذكية !
هدى : مقلكيش ع دماغها بقا
الجدة : طول عمرها ذكية سوسو حبيبة تيتة
( تبتسم اسراء ب كسوف ، بعد شوية ، ف الشقة ، الستات كلهم فيها بينضفوها وبيمسحوها )
فايزة : رنيم قولي ل زيزو يدخل الشنط يلا
رنيم : حاضر
( تدخل رنيم شقة عزيز )
رنيم ل عزيز : زيزو هات الشنط يلا
�
عزيز وهو بيقوم : اوك
( ياخد عزيز شنطتين ويدخل بيهم الشقة يحطهم ع جنب ويرجع شقته ويجيب ٢ تانيين ويحطهم ، يعملوا صوت ازاز )
اسراء ب غيظ : لو حاجة اتكسرت هدعي عليك
عزيز : انتي ابت بقيتي غتتة ليه كدة ؟!
اسراء ب خضة : غتتة !!
عزيز : اة غتتة
�
اسراء : لم نفسك طيب !
عزيز وهو بيبص حواليه : تعالي ي نفسي عشان ماشيين يلا
اسراء : مين الي غتت ب زمتك ؟!
عزيز : انا طبعاً
�
اسراء : كويس انك عارف
عزيز : متسوقيهاش بقاااا
�
اسراء : تعرف انت لو اتكلمت ب اسلوب راقي عن كدة الدنيا هتبقا تمام !
عزيز ب ضحك : ههههه راقي ! راقي ايه سوسااا انتي فاكرة نفسك فين !
اسراء : اسمي اسراء مسميش سوسا
�
عزيز : يخربيت ابو سماجتك بجد !
اسراء : ل تاني مرة بقولك اتكلم معايا كويس
عزيز : انا اتكلم بالطريقة الي تعجبني .. ي سوسا
�
( يقربوا الستات )
فايزة ب استغراب : ايه ي ولاد صوتكم عالي كدة ليه ؟!
اسراء : طنط فايزة قوليله ملهوش دعوة بيا اوك ويتكلم كويس معايا !
فايزة : مالك بيها ي زيزو ؟!
عزيز : انا جيت جنبها هي الي معرفش جاية نافشة ريشها علينا كدة ليه ست الحداية دة انتي ابوكي من كفر البلح
�
فايزة ب خضة : ي ولا عيب !!
اسراء ب غيظ : شايفة ي طنط !
هدى : خلاص ي اسراء زيزو بيهزر معاكي
اسراء : لا ميهزرش معايا مش هيصاحبني هو !
عزيز : انتي تطولي اصاحبك اصلاً
فايزة : زيزووو خلصنا بقا ادخل شقتك يلا
عزيز وهو بيمشي : داخل
�
( يدخل شقتهم )
سميرة : انا حسدتكم ولا ايه مالكم !!
( تتنهد اسراء ب ضيق )
رنيم : لا اسراء عقلت بس عقبال الي عندنا
�
فايزة : دة هيجنني دة
�
( ف بيت ابو عزيز ، الكل قاعدين ، يدخل هاشم )
هاشم : سلامو عليكم
الكل : عليكم السلام
هاشم وهو بيقرب ع ثابت : عمي حمدلله ع السلامة
ثابت : الله يسلمك ي حبيبي
( يسلموا ع بعض ويقعدوا )
ثابت : عامل ايه ي دكتور ؟
هاشم : بخير والله الحمدلله .. اومال فين طنط هدى واسراء ؟
ثابت : جوة بينضفوا الشقة
هاشم : حمدلله ع سلامتكوا
ثابت : الله يسلمك
( يعدي الوقت ، اسراء ف اوضتها بترتب هدومها ف الدولاب ورنيم قاعدة معاها بتساعدها )
اسراء : لا بابا معندوش مشكلة عارف اني بحب الشغل ومبحبش قاعدة البيت
رنيم : يعني هيوافق انك تنزلي معايا ؟
اسراء : اة عادي ومدام معاكي هيطمن اكتر كمان
رنيم : خلاص هقولهم عندي ف الشركة واقولك
اسراء : اوك
رنيم ب استغراب : بس انتي بجد ليه مش طايقة عزيز كدة ؟!
اسراء : ي بنتي لا طبعاً وانا مش هطيقه ليه كل الحكاية اني مبحبش كدة انا طريقته مش عجباني بيتعامل معايا كأننا صحاب ونعرف بعض من ٢٠ سنة !!
رنيم : بس انتوا قرايب ي هبلة وكنتوا قريبين جداً من بعض فعلاً !
اسراء : ايوة الكلام دة زمان واحنا صغيرين اما انا وهو حالياً نعتبر اغراب عن بعض فهمتي ؟
رنيم : ايوة فهماكي
اسراء : بس دة كل الحوار يعني يبقا في حدود ف الكلام شوية عن كدة
رنيم : م زي م انتي اتغيرتي هو كمان اتغير عزيز جاننا كلنا حياته كلها بالشكل الي انتي شيفاه دة هزار وضحك مفيش حدود مفيش حاجة اسمها وقت مناسب كل حاجة ف حياته داخلة ف بعض ف بيتعامل مع الكل ع الأساس دة
�
اسراء : دي حاجة تخصه كل واحد فينا مرتاح بالطريقة الي عايش بيها بس ميفرضهاش ع غيره
رنيم : ايوة .. بس صحيح انتي عاوزة تشتغلي معايا ف الشركة كول سنتر ازاي وانتي كنتي قيلالي هتفتحي محل الكيك شوب !!
اسراء : ايوة هعمل كدة بس هياخد وقت ومجهود ولسة مفتحتش بابا ف المشروع لان هو الي هيموله ولازم بردوا اكون شغالة عشان اصد معاه
رنيم : ايوة صح .. خلاص بكرة لما اروح ب اذن الله هكلم المدير بتاعي انتي هتتقبلي لان دراستك ليها علاقة وكدة
اسراء ب تنهيدة : يارب بقا
( ف محل عزيز ، ديكور خشبي والفخار الملون ف كل مكان مرصوص ب طريقة تجذب اي حد والديكور مناسب جداً ، قاعد عزيز ف زاوية جوة ف المحل شغال ع عجلة الفخار وحاطط الهيد فون ف ودنه بيتكلم ف الفون ، وواقف شاب عنده حوالي ١٩ سنة عند الكاشير بيبيع )
عزيز : ي بني عليها كمية سماجة مش ع حد ايه دة !!
هيثم : ازاي ي عم مش كنتوا صحاب مش دي الي كانت بترقص وانت تقعد تطبلها هههههه
عزيز : ايوة هي دي الي انا كنت شغالها طبال اة
هيثم ب ضحك : ايه اعتزلت الرقص ولا ايه
عزيز : وهي جاية تتوب ع حظ امي
الحلقة الرابعة { ٤ }
هيثم : ههههه غراب من يومك !
عزيز ب خباثة : لا بس ع مين والله ل اطلع بدرية طلبة الي جواها
�
هيثم : طب وليه ي عم م تفكك منها
عزيز : افكني !! متهزرش معايا
هيثم ب ضحك : ليه حلوة
عزيز ب هيام : جامداااااااااا 🥺
هيثم ب فضول : ي شيخ شكلها ايه !!
عزيز ب انفعال وانتباه : وانت مال اهلك انت بتسأل ع التفاصيل دي ليه مالك حلوة ولا وحشة غور يلا انا مش فاضيلك غور
هيثم : يخربيت ام انفصام الشخصية الي عندك دة
عزيز ب زعيق : اقفاااااال
هيثم : غووور !
( يقفل هيثم ف وشه ، يقرب الشاب )
عزيز : حسونة حبيب البي 🥺
( يبصله )
عزيز : تعالى شيل البتاعة دي من ودني وحيات امك
حسن ب ابتسامة : حاضر
( يقرب عليه يشيل الهيد فون من ودنه ويشيل الفون )
عزيز : شغلنا حاجة بقااا
حسن : حاضر
( يشغل حسن اغاني )
عزيز وهو بيشتغل وبيغني : فاكر لما تقولي هسيبك يعني انا هجري وراك ؟ ولا هموت ف هواك ؟ ولا انا هترجااااااك ؟ روح ي حبيبي مع الف سلامة روح والقلب معاااك ، وخد لياليك وياااك ، انا مش هستناااااك ، انا مش فاضي اعيش ع الفاضي واضيع عوووومري معااااااك
( يدخلوا بنات يتفرجوا ع الشغل )
عزيز وهو بيبصلهم : ابعد وابعد قلبك عني روح متكلمنيييش
�
( يبصوله ويبتسموا )
عزيز وهو بيمثل الأغنية : انت محستنيش ، لأ ومحبتنيش ، ابعد واوعا تقرب مني لو ل هنادي عليييييك امسح دمع عنيك وانا مش ملك ايدييييك ، ليه الحيرة وفضها سيرة وادي نهايتي معاك
بنت ١ ب مرح : امشييي كفاياااا 🤭
بنت ٢ ب احراج : بس 🤭
عزيز : بس انا عارف وربنا شايف والله يعوض عليااااا
( يعدي الوقت ، ف بيت اسراء ، يرن جرس الباب ، تقرب اسراء تفتح )
اسراء : ايوة ؟
هاشم : اسراء ؟
اسراء : اة !
هاشم ب ابتسامة : انا هاشم ابن عمك مرزوق
اسراء : اة دكتور هشام ازيك ؟
هاشم : هاشم !
اسراء : هاشم انا اسفة اتفضل طيب
�
هاشم وهو بيديها طبق : لا بس ماما بعتالكم الحلويات دي ف جيت اديهالكم وارحب بيكي عشان مشفتكيش بس
اسراء وهي بتاخد الطبق : تسلم ي هاشم تعبنا طنط فايزة
هاشم : العفو ع ايه احنا جنبك بقا لو عوزتي اي حاجة قوليلنا ع طول
اسراء : اكيد الله يخليك
هاشم : ت .........
عزيز وهو طالع ع السلم ب صوت عالي وحاطط الهيد فون ف ودنه : هنتقابل مع الأياااااااااااام ووريني وصلت ل فيييييييين ، عشان مظلوم ف هنسى اوااااااااام ، فراق ب فراق هحن لميييييييييييييييييين
هاشم : بس ي بابا !
عزيز وهو مغمض عيونه ومندمج وطالع : ووريني وصلت ل فييييييييين
هاشم : ي بني انتااااا !!
( يبصله ويشيل الهيد فون من ودنه )
عزيز : ايه ؟!
هاشم : صحيت العمارة كلها اهدى
�
عزيز : دة انا صوتي كروان
هاشم : معلش ي مصطفى ي كامل هنقطع عليك الحفلة الختامية !
عزيز وهو بيبص ل اسراء : يبدو ان انا الي قطعت حاجة 🤨
اسراء : تصبحوا ع خير
هاشم : وانتي بخير
اسراء ل هاشم : عن اذنك
هاشم : اتفضلي
( تقفل اسراء الباب ويدخل هاشم الشقة ، عزيز شايف خيال اسراء لسة واقفة ، يبتسم )
عزيز ب صوت عالي : شااايفك
( تتخض اسراء وتتحرج وتبعد عن الباب ، يدخل عزيز البيت )
اسراء ب غيظ : مستفزززز
( تدخل اوضتها ، بعد شوية ، عزيز نايم ع سريره وماسك الفون ، يحط رقم ع الواتساب ويبعتله ماسدچ )
عزيز : هاي ممكن نتعرف ؟
( اسراء ف اوضتها ، يرن فونها ب ماسدچ ، تفتحها ، تستغربها ، تبص ع الصورة تلاقيها صورة عزيز ، ترد عليه )
اسراء : انت جبت رقمي منين ؟!
عزيز : سرقته من هاتف مرات عمك الجوال
اسراء : انت اهبل ؟
عزيز : لأ عزيز وانتي
اسراء : انت فايقلي مش كدة ؟
عزيز : اة فايقلك ايه المشكلة ؟
اسراء : روح نام ولا اعملك حاجة تنفعك
عزيز : وانتي مالك !
اسراء : لما انا مالي بتكلمني ليه ؟!
عزيز : عشان فايقلك
اسراء : لا شوفلك حد غيري تتسلى عليه
�
عزيز : ملقتش غيرك والله
اسراء : لا دور بس كدة هتلاقي
عزيز : انا جعان طيب
اسراء : وانا مالي ؟
اسراء : اجي أأكلك ؟
عزيز : ياريت
عزيز : بتعرفي تطبخي ؟
اسراء : لا مبعرفش
عزيز : يبقا بتعرفي
اسراء : هو بالعافية
عزيز : لا بس حاسس
اسراء : حس بعيد عني !
عزيز : طب انا جعان
اسراء : م تروح تاكل ي بني انا مالي بجد !!
عزيز : م انا مكسل اقوم
اسراء : خلاص نام
عزيز : لا مش هسيبك لوحدك
اسراء : ي سيدي سيبني هو انت سايبي ع الدائري دة ايه دة !!
عزيز : انا غلطان يعني
�
اسراء : اة غلطان
اسراء : سلام
عزيز : اصبري بس !
عزيز : بقولك جعان 🥺
اسراء : هو البلوك منين استنى كدة
�
عزيز : بلوك !!
عزيز : هتعملي ل ابن عمك بلوك !!
اسراء : سلام
( تعمله بلوك )
عزيز ب غيظ : ي بنت الجزماااااا
( يبص عزيز يمين وشمال ويقوم ينط من ع السرير ويطلع البلكونة ، يقرب ناحية بلكونة اسراء )
عزيز ب صوت حلو : قلب ف الدفاتر تلقى الشعر بيحكي عنا فاكر ، ايام م كنا بنحلم نبقا تحت ضل ساتر
( تنتبه اسراء ل الصوت ، تقوم وتقرب ناحية البلكونة تسمعه )
عزيز : قل الي بينا ب الأيام وصبح كلامنا فاتر ، مش لاقي حد غيرك حتى ف البعاد اغازل
( يسند ع سور البلكونة ويبص ل الشارع ويكمل غنا )
عزيز : غريبة عاشقك حتى وانتي مش هنا ، انا لسة باقي ع الي بينا صورنا لسة تدلنا ، كانت الشوارع ف شتا الليالي تدلنا ، قلبي متيم بيكي يشهد عليا ربنا
( يسكت ، تسرح اسراء )
*( فلاش باااااااااك
)*
( ف بيت عزيز ، واقفين عزيز واسراء ف البلكونة والدنيا عمالة تشتي وهما عمالين يلعبوا ف الماية مبسوطين بيها ، عمالة اسراء تلف لحد م تتزحلق وتقع )
اسراء : اااه ههههههه
عزيز ب ضحك : وقعتيييي هههههه انا كسبت
*( باااااااااااك
)*
( تبتسم اسراء وتتنهد وتروح تقعد ع السرير ، يدخل عزيز جوة ، تاني يوم ، تدق الساعة ٥ المغرب ، يقرب عزيز ع باب الشقة من برة ولسة هيفتح .............. )
عزيز ب خضة : لا يارب لأ مش هو
( يفتح ويدخل ، يلاقي سمك محطوط ع السفرة )
عزيز ب صوت عالي : لييييه ي جدعااااااان
�
فايزة ب خضة : في ايه ي ولا خضتني !!
عزيز : انتي عارف اني مبحبش السمك
�
فايزة : ابوك نفسه فيه اعملكوا ايه بقا شوفلك اي حاجة ف التلاجة
عزيز ب احباط : حسبي الله
( يدخل عزيز المطبخ يدور ع اكل ، وفجأة )
عزيز ب استمتاع : اممممم ايه الريحة ديييييي
( يقرب ع شباك المطبخ يعرف انها من عند عمه ، يبتسم ويطلع م المطبخ )
عزيز : انا هروح اكل عند عمي ثابت
�
فايزة ب خضة : خد هنا يخربيت عم مين !!
عزيز : م قلنا عمي ثابت
�
فايزة : عيب ي ولا !
عزيز : عيب ليه م انا بطلع اكل عند عمي عوف ايه المشكلة ؟!
فايزة : ايوة بس دول ..........
عزيز : هتقوليلي لسة جايين وبطل تناحة هقولك عشان تاني مرة تعملي حساب ان التنح دة مبياكلش سمك ف سبيني الله يسترك عشان مفضحكوش
فايزة : اكتر من كدة
�
( يطلع عزيز م الشقة ويقرب يخبط ع شقة عمه ، يتفتح الباب )
( متنسوش اللايك ورأيكم ..
)
#قصة_أبليتني_بالعشق_ل_سهيلة_سعيد
#sohila_sa3ed
موضوع: صحيفة نبض الشعب الاسبوعيه رئيس التحرير جعفر الخابوري 
الأربعاء يوليو 05, 2023 7:18 am